ఢిల్లీలో Rapido బైక్ నుంచి దూకిన మహిళ; డ్రైవర్ రూట్ మార్చాడని ఫిర్యాదు

ఢిల్లీలో Ayesha Srivastava అనే మహిళ ఆఫీసుకు వెళ్లేందుకు Rapido బైక్ బుక్ చేసుకుంది. ప్రయాణంలో డ్రైవర్ రూట్ మార్చడంతో ఆమె భయపడి కదులుతున్న బైక్ నుంచి దూకింది.

డ్రైవర్ ఆ మార్గం షార్ట్ కట్ అని చెప్పాడు. కానీ ఆమె జనం లేని ప్రాంతం వైపు వెళ్తున్నట్లు గమనించింది. దీంతో భయపడిన ఆమె కదులుతున్న బైక్ నుంచి దూకింది. స్థానికులు ఆమెకు సాయం చేశారు.

ఆమె Rapido కంపెనీకి ఫిర్యాదు చేసింది. మొదట కంపెనీ నుంచి స్పందన రాలేదు. ఆమె తన అనుభవాన్ని చెప్తూ సోషల్ మీడియాలో సెల్ఫీ వీడియో పోస్ట్ చేసింది. దీనిపై నెటిజన్ల నుంచి పెద్ద స్పందన వచ్చింది.

తర్వాత Rapido స్పందించింది. ఆ డ్రైవర్ అకౌంట్ను శాశ్వతంగా మూసేశామని కంపెనీ తెలిపింది. ఆమె ఆరోగ్యానికి ఏదైనా ఇబ్బంది ఉంటే వైద్య సహాయం అందిస్తామని చెప్పింది. కేసు కోసం డ్రైవర్ వివరాలు ఇస్తామని పేర్కొంది.

అయితే ఇప్పటివరకు డ్రైవర్ వివరాలు ఆమెకు అందలేదని తెలుస్తోంది.