ఆరేళ్ల మనవరాలి చేత కారు నడిపించిన ఎస్‌ఐ సస్పెండ్‌

రంగారెడ్డి జిల్లా నార్సింగి పోలీస్ స్టేషన్ పరిధిలోని గంధంగూడాలో ఎస్‌ఐ పూజారి తిరుపతయ్య తన ఆరేళ్ల మనవరాలి చేత కారు నడిపించారు. రద్దీ రోడ్డుపై జరిగిన ఈ చర్యను చూసిన స్థానికులు ప్రశ్నించగా, ఎస్‌ఐ వారిపై దురుసుగా ప్రవర్తించినట్లు సమాచారం.

ఈ ఘటన వీడియో సోషల్ మీడియాలో వైరల్ కావడంతో డీజీపీ సీవీ ఆనంద్ స్పందించారు. ఆదేశాల మేరకు నార్సింగి పోలీస్ స్టేషన్‌లో కేసు నమోదు చేశారు. ట్రాఫిక్ నిబంధనలు ఉల్లంఘించినందుకు, బాధ్యతా రాహిత్యంగా ప్రవర్తించినందుకు ఎస్‌ఐ తిరుపతయ్యను సస్పెండ్ చేసినట్లు పోలీసు వర్గాలు వెల్లడించాయి.