తండ్రి నుండి ఎప్పుడూ విమర్శలే అంటున్న నటి దివిజా ప్రభాకర్

నటి దివిజా ప్రభాకర్ తన నటనా జీవితంలో కుటుంబం పాత్ర గురించి ఆసక్తికర విషయాలు పంచుకున్నారు. తన కుటుంబం చాలా సరదాగా, సర్కాస్టిక్‌గా మాట్లాడుతుందని, కానీ పూర్తి మద్దతు ఇస్తుందని తెలిపారు.

తండ్రి విషయంలో, తానెంత బాగా నటించినా ఆయన నుండి ఎప్పుడూ విమర్శలే వస్తాయని దివిజా చెప్పారు. 'ఇండియన్ ఫాదర్ లాగా, నా బిడ్డ అని పొంగిపోకుండా, ఏ తప్పులున్నా సూటిగా చెప్పేస్తారు. ఇది టఫ్ లవ్ లాగా పనిచేస్తుంది' అని ఆమె వివరించారు.

ప్రముఖ హాస్యనటుడు బ్రహ్మానందం తన నటనను మెచ్చుకున్న ఘటనను గుర్తుచేస్తూ, అప్పుడు తల్లి చాలా సంతోషించారని, అయితే తండ్రి మాత్రం యధావిధిగా విమర్శలే చేశారని తెలిపారు. తనకు ఏ సమస్య వచ్చినా తండ్రి అనుభవమే దిక్సూచి అని, కుటుంబమే తన పెద్ద బలం అని పేర్కొన్నారు.