వేసవిలో కిడ్నీ స్టోన్ ముప్పు: డీహైడ్రేషన్ ప్రధాన కారణమని వైద్యుల హెచ్చరిక

వేసవి కాలంలో వాతావరణ మార్పులు, అధిక ఉష్ణోగ్రతల వల్ల డీహైడ్రేషన్ (శరీరంలో నీటి కొరత) ఎక్కువగా ఉంటుంది. ఇది కిడ్నీ స్టోన్ ఏర్పడటానికి ప్రధాన కారణమని పేస్ హాస్పిటల్ వైద్యులు తెలిపారు.

శరీరంలో నీరు తగ్గినప్పుడు కిడ్నీలో స్టోన్ ఏర్పడే ప్రమాదం పెరుగుతుంది. దీన్ని నివారించడానికి, చిన్న సైజు స్టోన్ బయటికి వెళ్లడానికి తగినంత నీరు తాగడం చాలా ముఖ్యమని సూచించారు.

వేసవిలో కిడ్నీ స్టోన్ల ఫిర్యాదులు పెరగడం సాధారణం. కిడ్నీ స్టోన్ లక్షణాలుగా నడుము నొప్పి, మూత్రంలో మంట, రక్తం కనిపించడం వంటివి ఉంటాయని వైద్యులు వివరిస్తున్నారు. కిడ్నీ స్టోన్ చికిత్స గురించి తగిన సలహా వైద్యుడి నుంచి తీసుకోవాలన్నారు.