స్పెయిన్-అర్జెంటీనా 2026 ప్రపంచకప్ ఫైనల్‌కు డొనాల్డ్ ట్రంప్ హాజరు

2026 ఫిఫా ప్రపంచకప్ ఫైనల్ మ్యాచ్‌కు అమెరికా అధ్యక్షుడు డొనాల్డ్ ట్రంప్ హాజరుకానున్నారు. న్యూజెర్సీలోని మెట్‌లైఫ్ స్టేడియంలో జూలై 19న స్పెయిన్, అర్జెంటీనా మధ్య ఈ తుదిపోరు జరుగనుంది.

వైట్‌హౌస్ ప్రెస్ సెక్రటరీ కరోలిన్ లీవిట్ ఈ విషయాన్ని ధృవీకరించారు. ట్రంప్‌తో కలిసి విజేతలకు ప్రపంచకప్ ట్రోఫీని అందించే అవకాశం ఉందని ఫిఫా అధ్యక్షుడు గియాని ఇన్ఫాంటినో వెల్లడించారు.

అర్జెంటీనా గతంలో 1978, 1986, 2022లో ప్రపంచకప్ గెలిచింది. ఈసారి సెమీఫైనల్లో ఇంగ్లాండ్‌ను ఓడించి ఫైనల్‌కు చేరుకుంది. గతంలో 1930, 1990, 2014ల్లో రన్నరప్‌గా నిలిచిన అర్జెంటీనా ఇప్పుడు నాలుగో కప్పుపై కన్నేసింది. ఇంగ్లాండ్ 1966లో ఒకేసారి ప్రపంచకప్ సాధించింది.

ప్రత్యర్థి స్పెయిన్ మంచి సమష్టి ఆటతో ఫైనల్‌కు వచ్చింది. సెమీస్‌లో ఫ్రాన్స్‌ను ఓడించి టైటిల్ పోరుకు సిద్ధమైంది.