మధ్య తరగతి అదృష్టం, అధిక లక్ష్యాలు ఒత్తిడి కలిగిస్తాయి: డాక్టర్ గోపీ కృష్ణ

ప్రముఖ మానసిక వైద్యుడు డాక్టర్ గోపీ కృష్ణ మాట్లాడుతూ మధ్య తరగతి ప్రజలు అదృష్టవంతులని అన్నారు. వారు ఎప్పుడూ మితంగా ఉంటూ జీవితంలో అన్ని దశలను అనుభవిస్తారు. తెలియకుండానే సుఖంగా జీవిస్తారని వివరించారు.

ఆయన చెప్పినట్టు, ఏదైనా విపరీతమైన స్థాయిలో ఉండటం మంచిది కాదు. అతి ఎక్కువ లక్ష్యాలు, అతి పెద్ద ఆశయాలు తెలియని ఆందోళన, ఒత్తిడిని కలిగిస్తాయి. వీటిని సరిగ్గా నిర్వహించగలిగితే సమస్యలు రావు.

ఒత్తిడి తగ్గించుకోవడానికి సమయం కేటాయించడం, వ్యాయామం చేయడం, ఇతరులతో పోల్చుకోవడం తగ్గించడం, మంచి జీవనశైలి అలవరచుకోవడం ద్వారా స్ట్రెస్ కు సంబంధించిన సమస్యలు, ఇతర రుగ్మతల వచ్చే అవకాశం తగ్గుతుందని డాక్టర్ గోపీ కృష్ణ సూచించారు.