92 ఏళ్ల వయసులో 70 ఏళ్ల వైద్య సేవ: హైదరాబాద్ డాక్టర్ సూరి శ్రీమతి

హైదరాబాద్‌లో 92 ఏళ్ల డాక్టర్ సూరి శ్రీమతి 70 ఏళ్లుగా వైద్య సేవలు అందిస్తున్నారు. 'వైద్యం నా ఉద్యోగం కాదు, నా జీవిత లక్ష్యం' అని ఆమె చెప్పారు.

1958లో ఎంబీబీఎస్ పూర్తి చేసిన శ్రీమతి గైనకాలజీలో ఎండీ చదివారు. గవర్నమెంట్ మెటర్నిటీ హాస్పిటల్, గాంధీ హాస్పిటల్, నీలోఫర్ హాస్పిటల్‌లో పనిచేశారు. 10 ఏళ్లకు పైగా నీలోఫర్‌లో సేవలందించి అక్కడే రిటైర్ అయ్యారు.

వైద్య రంగంలో వస్తున్న కొత్త మందులు, సర్జరీ విధానాలు, పరిశోధనలను ఎప్పటికప్పుడు నేర్చుకుంటారు. కొత్త టెక్నిక్‌లను సొంతంగా అప్‌డేట్ చేసుకుంటూ ఇప్పటికీ రోగులకు చికిత్స చేస్తున్నారు. ఆపరేషన్లు కూడా చేస్తున్నారు.

ఆమె మూడు తరాల మహిళలకు వైద్య సేవలు అందించారు. తమ చిన్నప్పటి ఫొటోలు చూపించి 'మీరే మా డెలివరీ చేశారు' అని చాలా మంది చెప్తుంటారు. నిరంతరం నేర్చుకుంటూ సేవ చేయడమే ఈమె ప్రత్యేకత.