డీఆర్డీఓ పినాకా లాంగ్ రేంజ్ గైడెడ్ రాకెట్ పరీక్ష విజయవంతం

డీఆర్డీఓ పినాకా లాంగ్ రేంజ్ గైడెడ్ రాకెట్‌ను విజయవంతంగా పరీక్షించింది. ఒడిశాలోని చాందీపూర్ ఇంటిగ్రేటెడ్ టెస్ట్ రేంజ్ నుంచి ఈ ప్రయోగం చేపట్టారు.

రక్షణ శాఖ తెలిపిన వివరాల ప్రకారం, రాకెట్ 60 కిలోమీటర్ల దూరంలోని నిర్దేశిత లక్ష్యాన్ని అంచనా వేసిన మార్గంలో ప్రయాణించి అత్యంత ఖచ్చితంగా ఛేదించింది. ప్రయాణ మార్గాన్ని రాడార్ల ద్వారా అధికారులు ట్రాక్ చేశారు.

ప్రస్తుతం వాడుకలో ఉన్న పినాకా లాంచర్ నుంచే ఈ పరీక్ష నిర్వహించడం గమనార్హం. ఒకే లాంచర్ నుంచి వివిధ రేంజ్ల పినాకా వేరియంట్లను ప్రయోగించవచ్చని, తద్వారా బహుముఖ సామర్థ్యం నిరూపించినట్లు డీఆర్డీఓ తెలిపింది.

ఈ విజయంపై రక్షణ మంత్రి రాజ్‌నాథ్ సింగ్ హర్షం వ్యక్తం చేశారు. ఇది దీర్ఘశ్రేణి గైడెడ్ రాకెట్ల స్వదేశీ డిజైన్ అభివృద్ధిలో కీలక మైలురాయి అని ఆయన పేర్కొన్నారు.