ఒంగోలులో షేవింగ్ నిరాకరించిన బార్బర్‌ను మద్యం తాగిన వ్యక్తి పొడిచి చంపాడు

ఒంగోలు నగరంలో షేవింగ్ నిరాకరించిన బార్బర్‌ను మద్యం తాగి వచ్చిన వ్యక్తి పొడిచి చంపినట్లు పోలీసులు తెలిపారు.

మృతుడు కృష్ణా జిల్లా గుడివాడకు చెందిన దొరటిపాటి మహేంద్ర. ఆయన ఒంగోల్లోని ఓ సెలూన్‌లో రోజువారి కూలీగా పని చేస్తున్నారు. నిందితుడు నాగినేని రామారావు (67) నేతివారి ప్రాంతానికి చెందిన వ్యక్తి. పోలీసులు నిందితుడిని అదుపులోకి తీసుకున్నారు.

రామారావు మద్యం సేవించి సెలూన్‌కు వచ్చి షేవింగ్ చేయాలని కోరారు. మహేంద్ర అతడు మత్తులో ఉండటంతో తర్వాత చేస్తానని చెప్పి నిరాకరించారు. ఈ విషయంలో ఘర్షణ చెలరేగింది.

సెలూన్‌లో ఉన్న కత్తితో రామారావు మహేంద్ర మెడపై దాడి చేశారు. తీవ్ర రక్తస్రావంతో మహేంద్రను ఆసుపత్రికి తరలించే క్రమంలో మార్గమధ్యంలో మృతి చెందారు.

పోలీసులు ఘటనా స్థలానికి చేరుకుని నిందితుడిని అదుపులోకి తీసుకుని హత్య కేసు నమోదు చేశారు. దర్యాప్తు కొనసాగుతోంది. మృతుని బంధువుల రాకతో మరిన్ని వివరాలు తెలియనున్నాయి.