OG 2 నిర్మాతగా దానయ్య తప్పుకున్నారు, పవన్ కళ్యాణ్ క్రియేటివ్ వర్క్స్ నిర్మిస్తోంది

పవన్ కళ్యాణ్ నటించిన OG సినిమాకి సీక్వెల్ అయిన OG 2 నుంచి నిర్మాత డివివి దానయ్య తప్పుకున్నట్లు సమాచారం.

OG 2 ను ఇకపై పవన్ కళ్యాణ్ క్రియేటివ్ వర్క్స్ సంస్థ నిర్మించనుంది. అయితే ఈ సంస్థ ఒంటరిగా కాకుండా మరో పెద్ద నిర్మాణ సంస్థతో కలిసి ఈ చిత్రాన్ని నిర్మించే అవకాశం ఉంది.

ఈ సినిమా నిర్మాణ భాగస్వామ్యం కోసం మైత్రి మూవీ మేకర్స్, యువ క్రియేషన్స్ సంస్థలు పోటీలో ఉన్నట్లు తెలుస్తోంది. త్వరలో దర్శకుడు సుజిత్ భారతదేశానికి తిరిగి వచ్చిన తర్వాత OG 2 పై మరిన్ని వివరాలు వెల్లడించే అవకాశం ఉంది.

ఇదిలా ఉండగా, సుజిత్ దర్శకత్వంలో నాని నటించనున్న చిత్రాన్ని కూడా దానయ్య కాకుండా నిహారిక ఎంటర్టైన్మెంట్స్ బ్యానర్ పై వెంకట్ బోయినపల్లి నిర్మిస్తున్నట్లు సమాచారం.