బీడీలు చుట్టే 60 ఏళ్ల మహిళలు సోషల్ మీడియా స్టార్లు

జగత్యాల జిల్లా ఇబ్రహీంపట్నం మండలం గోదూర్ గ్రామంలో బీడీలు చుట్టుకునే వృద్ధ మహిళలు ఇప్పుడు సోషల్ మీడియా స్టార్లుగా మారారు. 60 ఏళ్ల వయసులో ఉన్న లలిత, నర్సాలు గత మూడేళ్లుగా రీల్స్, డ్యాన్స్ వీడియోలతో అందరి దృష్టిని ఆకర్షిస్తున్నారు.

గ్రామంలో ప్రైవేట్ టీచర్గా పనిచేస్తున్న తెలుకంటి గంగాధర్ ముందుగా పిల్లలతో స్కిట్స్ తీయడం మొదలుపెట్టారు. తర్వాత తన కుటుంబ సభ్యులైన లలిత, నర్సాలు మాకూ రీల్స్ చేయాలని ఉత్సాహం చూపించడంతో వారితో డ్యాన్స్ రీల్స్ రూపొందించారు. ఆ వీడియోలు సోషల్ మీడియాలో వైరల్ కావడంతో ‘గోదూర్ టీవీ’ అనే ఛానల్ ప్రారంభించి అన్ని వీడియోలను పోస్ట్ చేస్తున్నారు.

గ్రామంలోనే బీటెక్ చదివిన మాధవ్ అనే యువకుడు కూడా పిల్లలతో ప్రారంభించిన రీల్స్లో గంగు, నర్సు అనే ఇద్దరు వృద్ధ మహిళల్ని భాగస్వామ్యం చేశాడు. రెండేళ్లలో 550 కి పైగా రీల్స్ తీసి యూట్యూబ్, ఇన్స్టాగ్రామ్లో పోస్ట్ చేశారు. వీటిల్లో తప్పు తటపటలతో కూడిన ఇంగ్లీష్ డైలాగులు వైరల్ అయ్యాయి. దీంతో వీరికి సినిమా అవకాశాలు కూడా వస్తున్నాయి.

ఇంతకుముందు ఇంట్లో బీడీలు చుడుతూ నెలకు రూ.2000 సంపాదించే వీరు ఇప్పుడు రీల్స్ ద్వారా మెరుగైన ఆదాయం పొందుతున్నారు. ప్రమోషన్ల నిమిత్తం హైదరాబాద్ వెళ్లారు. ఊరు నుంచి బయటకు వెళ్లినా, ఎక్కడ చూసినా జనం వీరిని గుర్తుపట్టి ఫోటోలు తీసుకోవడం చూస్తుంటారు. ‘మాకు చాలా సంతోషంగా ఉంది. డబ్బులు కూడా వస్తున్నాయి’ అని లలిత, నర్సాలు చెప్పారు.