రత్నం ఎంపిక, ధారణకు సరైన విధానం.. నిపుణుల సలహాలు

రత్నాల ఎంపిక, ధారణలో సరైన పద్ధతి పాటిస్తేనే శుభ ఫలితాలు సాధ్యమని నిపుణులు సూచిస్తున్నారు. ప్రముఖ జెమ్ స్పెషలిస్ట్ డాక్టర్ ఎం.ఎం. రజా ఈ విషయంపై వివరాలు తెలియజేశారు.

ముందుగా తమ జాతకం, గ్రహాల స్థితిని విశ్లేషించుకుని తగిన రత్నాన్ని ఎంపిక చేసుకోవాలని ఆయన చెప్పారు. నకిలీలు కాకుండా సహజమైన, నాణ్యమైన రత్నాన్ని మాత్రమే ఎంచుకోవాలి. ఆ తర్వాత రత్నాన్ని శుద్ధి చేయించి, ఎనర్జైజ్ చేయించాలి. రత్నాన్ని ఉంగరం లేదా లాకెట్ రూపంలో ధరించవచ్చని, ధారణకు ఏ వారం, ఏ సమయం అనుకూలమో పాటించాలని స్పష్టం చేశారు.

ఈ ప్రక్రియ సరిగ్గా అనుసరిస్తే లక్, సంపద ఆకర్షణ, ఉద్యోగంలో అభివృద్ధి, వ్యక్తిత్వ వికాసం, మొత్తం జీవితం ఆనందంగా ఉంటుందని డాక్టర్ రజా వివరించారు. ఒక విత్తనాన్ని భూమిలో వేసి నీరు, ఎరువు వేస్తే చెట్టు నూరు రెట్లు ఫలిస్తుందని, అదే విధంగా సరైన పద్ధతిలో రత్నం ధరిస్తే ఫలితం ఉంటుందని ఆయన ఉదాహరణతో చెప్పారు.