బ్రెస్ట్ గడ్డల శస్త్రచికిత్సపై యువతుల భయాలకు నిపుణుల సమాధానం

Aroha Breast Care వైద్య నిపుణులు బ్రెస్ట్ గడ్డలపై అవగాహన కల్పించారు. యువతులు, వారి తల్లిదండ్రులు గడ్డల శస్త్రచికిత్స విషయంలో కొన్ని భయాలతో ఉంటారని వారు తెలిపారు.

శస్త్రచికిత్స వల్ల మచ్చలు ఏర్పడతాయనే భయం మొదటిది. భవిష్యత్తులో గర్భధారణ, పాలివ్వడంపై ప్రభావం ఉంటుందనే అనుమానం కూడా ఉంటుంది. అయితే ఆధునిక సర్జరీ విధానాల్లో మచ్చలు దాదాపు కనిపించవని నిపుణులు వివరించారు.

నిప్పల్ లేదా ఏరియోలా చుట్టూ కోత పెడతారు. మూడు నెలల తర్వాత శస్త్రచికిత్స జరిగినట్టు తెలియదు. చంక చర్మ మడతల్లో కోత చేస్తే ఆరు నెలల తర్వాత మచ్చ అసలు కనిపించదు.

గడ్డలను తొలగించిన తర్వాత భవిష్యత్తులో గర్భధారణకు గానీ, పాలివ్వడానికి గానీ ఎలాంటి ఇబ్బంది ఉండదని స్పష్టం చేశారు. గడ్డ వల్ల నొప్పి లేదా అసౌకర్యం ఉంటే దాన్ని తొలగించడమే ముఖ్యమని సూచించారు.