డోంట్ ట్రబుల్ ది ట్రబుల్: ఫహద్ ఫాజిల్‌తో ఫస్ట్ నరేషన్‌లోనే ఓకే – SS కార్తికేయ

SS కార్తికేయ 'డోంట్ ట్రబుల్ ది ట్రబుల్' సినిమా కోసం ఫహద్ ఫాజిల్‌ను ఎలా ఒప్పించారో వివరించారు. ఫహద్ కుటుంబానికి కార్తికేయ భార్య కుటుంబానికి మధ్య ఏళ్లుగా స్నేహం ఉంది. కానీ సినిమా రీత్యా తొలి పరిచయం పుష్ప షూటింగ్ సమయంలో జరిగింది. ఫహద్‌కు అభిమానిగా వెళ్లి కలవడం, తర్వాత పరిచయం పెరగడం జరిగాయి.

ఈ క్రమంలో ఫహద్ కోసమే 'ఆక్సిజన్' స్క్రిప్ట్ డెవలప్ చేస్తున్నారు. ఆ స్క్రిప్ట్ గురించి మాట్లాడే సమయంలో ఇంకో కథ వింటానని ఫహద్ చెప్పడంతో 'డోంట్ ట్రబుల్ ది ట్రబుల్' కథ వినిపించారు. తొలి నరేషన్‌లోనే ఫహద్ చాలా ఎక్సైటెడ్ అయ్యారని, ఇలాంటి కొత్త జానర్ సినిమా ఇండియన్ సినిమాలో చాలా రోజుల తర్వాత రాబోతోందని అన్నారు.

ఈ చిత్రంలో VFX భారీగా ఉంటుందని, దర్శకుడు రాసిన స్క్రిప్ట్ ప్రకారమే VFX ప్రధానంగా ఉంటుందని కార్తికేయ చెప్పారు. తండ్రి రాజమౌళి స్క్రిప్ట్‌కు ఆమోదం తెలిపితేనే సినిమా ముందుకు వెళ్తుందని వివరించారు. ఆయన ఇచ్చే సూచనలను అమలు చేస్తామన్నారు.