జగిత్యాలలో బాలికపై తండ్రి, పొరుగువ్యక్తి లైంగిక దాడి: పోక్సో కేసు నమోదు

జగిత్యాల జిల్లాలో ఓ బాలికపై తన తండ్రి, ఇంటి పక్కనే నివసించే వ్యక్తి లైంగిక దాడి చేసిన సంఘటనపై పోలీసులు పోక్సో కేసు నమోదు చేశారు. బాధిత బాలిక ఇటీవల 10వ తరగతి పూర్తి చేసుకుని ఇంటికి వచ్చింది. తల్లిదండ్రుల మధ్య విభేదాల కారణంగా ఆమె తండ్రి వద్దే ఉంటోంది.

పోలీసుల కథనం ప్రకారం, ఏడాది క్రితం తండ్రి మద్యం మత్తులో బాలికపై లైంగిక దాడికి పాల్పడ్డాడు. తర్వాత ఆమెను భయపెట్టడంతో ఈ విషయాన్ని ఎవరికీ చెప్పలేదు. 10వ తరగతి పరీక్షల తర్వాత వేసవి సెలవులకు ఇంటికి వచ్చినప్పుడు ఇంటి పక్కన ఉన్న మరో వ్యక్తి పలుమార్లు లైంగిక దాడి చేశాడు.

ఈ లైంగిక దాడుల కారణంగా బాలిక గర్భం దాల్చింది. విషయం తెలిసిన నిందితుడు ఆమెకు మాత్రలు ఇచ్చి గర్భస్రావం చేయించాడు. ఇటీవల బాలిక తన తల్లికి జరిగినదంతా చెప్పగా, ఆమె పోలీసులను ఆశ్రయించారు. బాధిత బాలిక నుంచి వాంగ్మూలం సేకరించిన పోలీసులు తండ్రి, పొరుగువ్యక్తి లక్ష్మణ్ లపై పోక్సో కేసు నమోదు చేశారు.

రూరల్ సీఐ సుధాకర్ తెలిపిన వివరాల ప్రకారం, బాధితురాలిని వైద్య పరీక్షలకు తరలించారు. పూర్తి విచారణ కొనసాగుతోంది. నిందితుల అరెస్టుపై ఎలాంటి సమాచారం ఇంకా వెల్లడించలేదు.