FCRA సవరణలతో విదేశీ నిధులతో మత మార్పిడిపై నిషేధం

విదేశీ విరాళాల నిబంధనలకు తాజా సవరణలతో మత మార్పిడికి విదేశీ నిధులు వాడడాన్ని కేంద్రం నిషేధించింది. ఎఫ్సీఆర్ఏ (FCRA) ప్రకారం ఎలాంటి ఆర్థిక ప్రలోభాలు, ప్రోత్సాహకాలు ఇచ్చి మతం మార్చడాన్ని అనుమతించరు. అయితే, మతపరమైన విద్య, చరిత్ర, తత్వశాస్త్రం బోధించడాన్ని ఈ చట్టం నిరోధించదు. భక్తుల కోసం ధర్మశాలలు, లంగర్లు, అన్నదానాలు, కమ్యూనిటీ కిచెన్లు వంటి సౌకర్యాలు కల్పించడంలోనూ ఎలాంటి అడ్డంకి లేదు. కానీ విదేశీ సహకారంతో నేరుగా మత మార్పిడి కార్యకలాపాలు చేపడితే చర్యలు తీసుకుంటామని ప్రభుత్వం స్పష్టం చేసింది. విదేశీ నిధులను మత మార్పిడికి ఉపయోగించినట్లు తేలితే నిందితులపై కేసులు నమోదు చేస్తామని అధికారులు హెచ్చరించారు. ఈ నిబంధనను కొన్ని సంఘాలు వ్యతిరేకించగా, మత మార్పిడిని నిరోధించడం వల్ల సామాజిక దోపిడీ తగ్గుతుందని మద్దతుదారులు అభిప్రాయపడుతున్నారు. విదేశీ నిధులతో అనుమతిలేని మత మార్పిడిపై ఇప్పటికే పలువురిపై దర్యాప్తు జరుగుతోంది. ఎఫ్సీఆర్ఏ ఉల్లంఘనలపై కఠిన చర్యలు తీసుకోవాలని కేంద్ర హోం మంత్రిత్వ శాఖ రాష్ట్ర ప్రభుత్వాలకు ఆదేశాలు జారీ చేసింది.