FIFA వరల్డ్ కప్ ఫైనల్ పిచ్ గడ్డిని అమ్ముతోంది: ధర $450 నుంచి $3000 వరకు

2026 FIFA వరల్డ్‌కప్‌లో అద్భుత గోల్స్, ఊహించని అప్సెట్లు, మరపురాని క్షణాలు వంటివి ఎన్నో ఉండగా, ఆ జ్ఞాపకాలను సైతం సొమ్ము చేసుకోవడానికి FIFA సిద్ధమైంది. వరల్డ్ కప్ ఫైనల్ మ్యాచ్ జరిగే మైదానంలోని గడ్డినే అమ్మకానికి పెట్టింది. ధర $450 నుంచి ప్రారంభమై $3000 వరకు ఉంటుందని FIFA ప్రకటించింది. ఫుట్‌బాల్ అభిమానులకు ఇది జీవితంలో ఒక్కసారే లభించే కలెక్టిబుల్ అని చెప్పొచ్చు.

అయితే ఇది కేవలం అభిమానుల కోసం మాత్రమే కాదు. ఈ టోర్నమెంట్‌లో ప్రతి అంశాన్ని డబ్బుగా మార్చుకోవాలన్న FIFA వ్యూహంలో భాగమే ఈ గడ్డి అమ్మకం. టికెట్లు, హైడ్రేషన్ బ్రేక్‌లు, హాఫ్‌టైమ్ షోలు... ఇలా ప్రతి దాన్నీ కమర్షియల్‌గా మార్చే ప్రయత్నం చేస్తోంది. 2026 ఎడిషన్ నుంచి ఈ వ్యూహం మరింత విస్తరించినట్లు కనిపిస్తోంది.

మ్యాచ్ జెర్సీలు, బంతులు, టిక్కెట్లు వంటి సాంప్రదాయ వస్తువులతో పాటు నేరుగా పిచ్‌నుంచి తీసిన గడ్డిని సైతం విక్రయించడం విమర్శలకు దారితీసింది. క్రీడా ప్రేమికులు కొందరు దీన్ని అభిమానులతో ఆటగాళ్ల అనుబంధాన్ని వాణిజ్యీకరించడంగా చూస్తున్నారు. అయినా FIFA మాత్రం ఈ కలెక్టిబుల్‌ను విడుదల చేస్తూనే ఉంది.