నాంపల్లి విజయనగర్ కాలనీలో అపార్ట్‌మెంట్‌లో భారీ అగ్ని ప్రమాదం, ప్రాణనష్టం లేదు

హైదరాబాద్‌లోని నాంపల్లి పోలీస్ స్టేషన్ పరిధిలోని విజయనగర్ కాలనీలో ఒక అపార్ట్‌మెంట్‌లో భారీ అగ్ని ప్రమాదం చోటు చేసుకుంది. షార్ట్ సర్క్యూట్ కారణంగా ఈ మంటలు చెలరేగాయి.

అగ్ని ప్రమాదం సమయంలో ఇంట్లో ఉన్న కుటుంబ సభ్యులు వెంటనే బయటకు వచ్చేశారు. దీంతో ఎటువంటి ప్రాణ నష్టం జరగలేదు. ఘటన స్థలానికి మూడు ఫైర్ ఇంజన్లు చేరుకుని మంటలను అదుపులోకి తీసుకువచ్చాయి.

ఇరుకైన సందులు, తక్కువ సెట్‌బ్యాక్ ఉన్న నివాస ప్రాంతం కావడంతో ఫైర్ సిబ్బందికి మంటలను ఆర్పేందుకు ఇబ్బంది ఎదురైంది. అయినా వారు మంటలను నియంత్రించారు. పోలీసులు, అధికారులు సంఘటన స్థలాన్ని పరిశీలించారు.