J&K లోని రాజౌరి జిల్లాలో ఆకస్మిక వరదలు; బస్ స్టాండ్ లో వాహనాలు మునిగాయి

జమ్మూ కాశ్మీర్ లోని రాజౌరి జిల్లాలో గత కొన్ని రోజులుగా కురుస్తున్న భారీ వర్షాల కారణంగా ఆకస్మిక వరదలు సంభవించాయి.

దర్హాల్ నది ఉప్పొంగడంతో పట్టణంలోని న్యూ బస్ స్టాండ్ బెల్లా ప్రాంతాన్ని వరద నీరు ముంచెత్తింది. బస్ స్టాండ్ లోపలికి భారీగా నీరు చేరడంతో అక్కడ పార్క్ చేసిన కార్లు, ద్విచక్ర వాహనాలు తీవ్రంగా దెబ్బతిన్నాయి.

వరద నీరు లోతట్టు ప్రాంతాలను చుట్టుముట్టడంతో జనజీవనం స్తంభించింది. నదులు వాగుల్లో నీటి మట్టం నిరంతరం పెరిగే అవకాశం ఉన్నందున నదీతీర ప్రాంతాల్లో నివసించే వారు అప్రమత్తంగా ఉండాలని అధికారులు సూచించారు.