స్టైపెండ్ నిలిపివేతపై నాగర్కర్నూల్ FMGE హౌస్ సర్జన్ల నిరసన

తెలంగాణలోని నాగర్కర్నూల్ ప్రభుత్వ జనరల్ హాస్పిటల్లో FMGE హౌస్ సర్జన్లు స్టైపెండ్ చెల్లించాలని ఆందోళన చేపట్టారు. NMC, Supreme Court, తెలంగాణ స్టేట్ మెడికల్ కౌన్సిల్, ప్రభుత్వ ఉత్తర్వుల ప్రకారం తమకు నెలకు ₹29,792 స్టైపెండ్ రావాలని వారు చెబుతున్నారు.

హాస్పిటల్లో జనవరి, జూన్ నుంచి రెండు బ్యాచ్లకు చెందిన 16 మంది హౌస్ సర్జన్లు ఉన్నారు. ఇప్పటివరకు వారికి స్టైపెండ్ కింద ₹1 కూడా అందలేదు. వీరు హాస్పిటల్ సూపరింటెండెంట్తో పాటు DME, DM లకు వినతులు ఇచ్చారు. 15 రోజులయినా అధికారుల నుంచి స్పందన రాలేదు.

గత నాలుగైదేళ్లుగా సీనియర్ బ్యాచ్లు కూడా ఇదే సమస్యను లేవనెత్తుతున్నాయని హౌస్ సర్జన్లు చెప్పారు. తాము అన్ని డ్యూటీలు చేస్తున్నామని, స్టైపెండ్ మాత్రం అందడం లేదని వారు పేర్కొన్నారు. ఈ నేపథ్యంలో నేటి నుంచి మూడు రోజుల పాటు OPD సేవలు నిలిపివేస్తున్నామని తెలిపారు. అత్యవసర సేవలు కొనసాగుతాయని చెప్పారు. మూడు నాలుగు రోజుల తర్వాత DM కార్యాలయం వద్ద శాంతియుత నిరసన చేపడతామని హౌస్ సర్జన్లు తెలిపారు.