ఫోర్జరీ నేరానికి BNS సెక్షన్లు, కోర్టు విధించే శిక్షల వివరాలు ఇవే

నమూనా పత్రాలు తయారు చేయడం, సంతకాలు ఫోర్జరీ చేయడం వంటి చర్యలు నేరం కిందకు వస్తాయి. భారత నాగరిక సంరక్షణ స్మృతి (BNS) లో ఈ నేరాలకు సంబంధించిన సెక్షన్లు 335 నుంచి 344 వరకు ఉన్నాయి. అడ్వకేట్ కోటిపల్లి అయ్యప్ప ఈ సెక్షన్ల వివరాలు తెలిపారు.

ఫోర్జరీ అంటే తప్పుడు పత్రాలను నిజమైనవిగా నమ్మించడం. ప్రభుత్వం వేసిన సీళ్లను తొలగించి వేరే సీళ్లు వేయడం కోర్టు లేదా ప్రభుత్వ పత్రాలలో మార్పులు చేర్పులు చేయడం కూడా ఫోర్జరీ కిందకు వస్తుంది. రేషన్ కార్డులు, ఆధార్ కార్డులు, డ్రైవింగ్ లైసెన్సులు, స్టాంపుల వంటి విలువైన పత్రాలను పోర్జరీ చేయటం కూడా ఇందులో భాగమే.

శిక్షల విషయానికి వస్తే, సాధారణంగా రెండు సంవత్సరాల నుంచి 10 సంవత్సరాల జైలు శిక్ష విధించవచ్చు. ప్రభుత్వ రికార్డుల పోర్జరీకి BNS సెక్షన్ 337 ప్రకారం గరిష్టంగా 10 సంవత్సరాలు శిక్ష పడే అవకాశం ఉంది. చనిపోయిన వ్యక్తి పేరుతో నకిలీ వీలునామా తయారు చేస్తే సెక్షన్ 338 వర్తిస్తుంది. సంతకాల పోర్జరీకి 336, 337 వంటి సెక్షన్లు అన్వయిస్తాయి.

డిజిటల్ యుగంలో ఈమెయిల్స్, డిజిటల్ సంతకాలు, ఆధార్ కార్డు డేటా ద్వారా జరిగే మోసాలు సైబర్ నేరాల కిందకు వస్తాయి. IT చట్టం 2000 ప్రకారం కేసు నమోదు చేయవచ్చు. సైబర్ నేరాల ఫిర్యాదు సంఖ్య 1930.

పోర్జరీ బాధితులు తక్షణం పోలీస్ స్టేషన్‌లో కంప్లైంట్ ఇవ్వాలి. FIR నమోదు కాకపోతే ఎస్పీ కార్యాలయానికి రిజిస్టర్ పోస్ట్‌తో ఫిర్యాదు పంపించాలి. సంతకం పోర్జరీ అనుమానం ఉంటే ప్రాంతీయ ఫారెన్సిక్ సైన్స్ ల్యాబ్ (RFSL)కి సాంపిల్స్ పంపి, ఎవిడెన్స్ యాక్ట్ సెక్షన్ 65B కింద నివేదికను కోర్టులో దాఖలు చేయాలి. ప్రాపర్టీ పోర్జరీకి రిజిస్ట్రేషన్ యాక్ట్ సెక్షన్ 82, 83 కింద ఏడేళ్ల జైలు శిక్ష ఉంటుంది. సివిల్ స్వభావం గల నేరాలు కోర్టు ద్వారానే పరిష్కరించుకోవాలి.

నిత్య జీవితంలో ఫోర్జరీ బారిన పడకుండా సంతకాలను సులభంగా అనుకరించలేని విధంగా రూపొందించుకోవాలని నిపుణులు సూచిస్తున్నారు. ఏదైనా పత్రం మీద సంతకం చేసేముందు పూర్తిగా చదివి అర్థం చేసుకొని మాత్రమే చేయాలి.