తెలంగాణ BC అభ్యర్థులకు ఉచిత UPSC కోచింగ్: జూలై 15 నుంచి దరఖాస్తులు

తెలంగాణ వెనుకబడిన తరగతుల (BC) అభ్యర్థుల కోసం తెలంగాణ BC స్టడీ సర్కిల్ UPSC సివిల్స్ 2027కు ఉచిత కోచింగ్ నోటిఫికేషన్ విడుదల చేసింది. BC సంక్షేమ శాఖ ఆధ్వర్యంలో నిర్వహించే ఈ శిక్షణ కార్యక్రమంలో 150 మంది అభ్యర్థులను ఎంపిక చేస్తారు.

అర్హతలు: గుర్తింపు పొందిన యూనివర్సిటీ నుంచి డిగ్రీ పూర్తి చేసి ఉండాలి. అభ్యర్థులు తప్పనిసరిగా తెలంగాణ నివాసి అయి ఉండాలి. కుటుంబ వార్షిక ఆదాయం గ్రామీణ ప్రాంతాల్లో రూ.1.50 లక్షలు, నగర ప్రాంతాల్లో రూ.2 లక్షల లోపు ఉండాలి. వయో పరిమితి UPSC సివిల్ సర్వీసెస్ 2027 నియమాల ప్రకారం ఉంటుంది.

ముఖ్య తేదీలు: 2026 జూలై 15 నుంచి ఆన్‌లైన్‌లో దరఖాస్తు చేసుకోవచ్చు. జూలై 17 నుంచి ఆగస్ట్ 7 వరకు హాల్ టికెట్లు డౌన్లోడ్ చేసుకోవాలి. స్క్రీనింగ్ పరీక్ష ఆగస్టు 13న జరుగుతుంది. ఫలితాలు ఆగస్టు 16న వెల్లడిస్తారు. ఎంపికైన అభ్యర్థులకు ఆగస్టు 21 నుంచి హైదరాబాద్‌లో తరగతులు ప్రారంభమవుతాయి.

ఎంపిక విధానం: మొత్తం 150 సీట్లలో 100 సీట్లు ఓపెన్ కేటగిరీ ద్వారా, మిగిలిన 50 సీట్లు తెలంగాణ BC స్టడీ సర్కిల్ ప్రిలిమ్స్ పరీక్షలో అర్హత సాధించిన అభ్యర్థులకు కేటాయిస్తారు. ఎంపికైన అభ్యర్థులకు నెలకు రూ.5,000 స్టైఫండ్, పుస్తకాల కోసం రూ.5,000 అందిస్తారు. ఆసక్తి గల అభ్యర్థులు BC స్టడీ సర్కిల్ అధికారిక వెబ్‌సైట్‌లో దరఖాస్తు చేసుకోవాలని డైరెక్టర్ డాక్టర్ మామిడి హరికృష్ణ తెలిపారు.