గడువు తీరిన ఉత్పత్తులు డెలివరీ చేస్తున్న Swiggy Instamart కు FSSAI హెచ్చరిక

FSSAI Swiggy Instamart కు హెచ్చరిక జారీ చేసింది. గడువు తీరిన ఆహార ఉత్పత్తులను 10 నిమిషాల్లో డెలివరీ చేస్తున్నారనే ఫిర్యాదులపై ఈ చర్య తీసుకుంది. వినియోగదారులు నేరుగా FSSAI కి ఫిర్యాదు చేయడంతో సంస్థ దర్యాప్తు చేపట్టింది.

దర్యాప్తులో గుడ్లు, పరాటాలు, చపాతీ పిండి, పిల్లల ఆహార పదార్థాలు వంటివి తయారీ తేదీ ముగిసిన తర్వాత కూడా సరఫరా చేస్తున్నట్లు తేలింది. దీంతో FSSAI Swiggy యాజమాన్యానికి నోటీసు జారీ చేసి వివరణ కోరింది.

నిర్ణీత గడువులోగా సక్రమ వివరణ ఇవ్వకపోతే కఠిన చర్యలు తప్పవని హెచ్చరించింది. అలాగే, వినియోగదారులు ఆన్‌లైన్‌లో వస్తువులు ఆర్డరు చేసేటప్పుడు వాటి నాణ్యత, గడువు తేదీలను స్వయంగా పరిశీలించుకోవాలని సూచించింది.