నిజ్జర్ హత్యలో గోల్డీ బ్రార్ పాత్ర ఉన్నట్లు ఆడియోలో వెల్లడి

హర్దీప్ సింగ్ నిజ్జర్ హత్యలో గ్యాంగ్‌స్టర్ గోల్డీ బ్రార్ పాత్ర ఉన్నట్లు ఓ ఆడియో సంభాషణలో వెల్లడైంది. ఈ ఆడియో సోషల్ మీడియాలో చక్కర్లు కొడుతోంది.

ఆ ఆడియోలో గోల్డీ బ్రార్ మాట్లాడుతూ నిజ్జర్ మాదకద్రవ్యాల వినియోగాన్ని ప్రోత్సహించాడని ఆరోపించాడు. 16 నుంచి 17 ఏళ్ల యువకులను డ్రగ్స్ అమ్మేలా నిజ్జర్ ప్రోత్సహించాడని చెప్పాడు. వారిని ఇన్ఫార్మర్లుగా వాడుకునేందుకు ప్రయత్నించాడని తెలిపాడు. అందుకే తన బృందం నిజ్జర్‌ను చంపాల్సి వచ్చిందని వివరించాడు.

2023లో కెనడాలోని బ్రిటిష్ కొలంబియాలో గుర్తు తెలియని దుండగులు నిజ్జర్‌ను కాల్చి చంపారు. ఈ హత్యలో భారత్ ప్రమేయం ఉందని అప్పటి కెనడా ప్రధాని జస్టిన్ ట్రూడో ఆరోపించారు. దీంతో ఇరు దేశాల మధ్య దౌత్యపరమైన సంక్షోభం ఏర్పడింది. గత నెలలో కెనడా దర్యాప్తు అధికారులు ఈ హత్యలో భారత్ పాత్ర లేదని స్పష్టం చేశారు.

పంజాబీ గాయకుడు సిద్ధు మూసేవాల హత్య సహా పలు కేసుల్లో గోల్డీ బ్రార్ కోసం భారత్ గాలిస్తోంది.