గుంటూరులో తొలిసారి శ్రీమేధ కామర్స్ అండ్ ఎకనామిక్స్ ఎక్స్పో నిర్వహణ

గుంటూరులో కామర్స్ అండ్ ఎకనామిక్స్ ఎక్స్పో నిర్వహించారు. శ్రీమేధ ఆధ్వర్యంలో జరిగిన ఈ ఎక్స్పోలో విద్యార్థులు కామర్స్, ఎకనామిక్స్ అంశాలపై అనేక స్టాల్స్ ఏర్పాటు చేశారు. ఎక్స్పోకు అతిథులు, శ్రీమేధ మేనేజ్మెంట్ ప్రతినిధులు హాజరయ్యారు.

గుంటూరులో కామర్స్, ఎకనామిక్స్ విషయంలో ఇలాంటి ఎక్స్పో తొలిసారి జరుగుతోందని కామర్స్ లెక్చరర్ హరీంద్ర తెలిపారు. ఇంతకుముందు సైన్స్ ఎక్స్పోలు, ఇండస్ట్రియల్ ఎక్స్పోలు జరిగాయని ఆయన చెప్పారు. ఈ సబ్జెక్టుల ప్రాధాన్యతను సాధారణ ప్రజలకు కూడా అర్థమయ్యేలా చూపించడం ఈ ఎక్స్పో లక్ష్యమని పేర్కొన్నారు.

పుస్తకాల్లో చదివే థియరీని నిజ జీవితంలో ఎలా ఉపయోగిస్తారు అనేది విద్యార్థులు స్టాల్స్ ద్వారా ప్రదర్శించారు. క్లిష్టమైన అంశాలను సులభంగా అర్థమయ్యేలా పిక్చర్స్, డిజైన్లతో వివరించారు. రోజువారీ లావాదేవీల్లో కామర్స్ పాత్రను ఓ విద్యార్థి ఉదాహరణతో వివరించారు. మొబైల్ కొనుగోలు సమయంలో వినియోగదారుల సంతృప్తి, వస్తువుల మార్పిడి, లావాదేవీలు ఇందులో భాగమని ఆ విద్యార్థి చెప్పారు.

స్టాల్స్ తయారు చేయడానికి విద్యార్థులు చాలా కష్టపడ్డారని హరీంద్ర అన్నారు. ఈ ప్రయత్నం విద్యార్థులకు ఉపయోగపడుతుందని ఆయన ఆశాభావం వ్యక్తం చేశారు.