ప్రియుడి కారుపై 3,400 ముద్దు గుర్తులు.. యువకుడికి ₹5,500 జరిమానా

మధ్యప్రదేశ్‌లోని గ్వాలియర్‌కు చెందిన ఓ యువతి తన ప్రియుడి కారుపై లిప్‌స్టిక్‌తో 3,400 ముద్దు గుర్తులు వేసింది. దీన్ని వీడియో తీసి సోషల్ మీడియాలో పోస్ట్ చేయగా, 24 గంటల్లో 55 లక్షలకు పైగా వ్యూస్ వచ్చాయి.

వైరల్ అయిన కారు నంబర్ ప్లేట్ ఆధారంగా ట్రాఫిక్ పోలీసులు యజమానిని గుర్తించారు. కారు యజమాని ఆదిత్యపై మోటార్ వెహికల్ యాక్ట్ కింద ₹5,500 జరిమానా విధించారు.

పోలీసులు అతనితోనే కారుపై ఉన్న ముద్దు గుర్తులను పోలీస్ స్టేషన్‌లో తుడిపించారు. వాహనం బాహ్య రూపాన్ని విపరీతంగా మార్చడం నిబంధనలకు విరుద్ధమని పోలీసులు తెలిపారు. సోషల్ మీడియాలో వ్యూస్ కోసం ఇలాంటి వీడియోలు చేస్తే చట్టపరమైన చర్యలు తప్పవని హెచ్చరించారు.