ఆరోగ్యకర వృద్ధాప్యం, యోగ: 2026 అంతర్జాతీయ యోగా దినోత్సవ థీమ్

2026 సంవత్సరపు 12వ అంతర్జాతీయ యోగా దినోత్సవం 'ఆరోగ్యకర వృద్ధాప్యం, యోగ' అనే థీమ్‌తో జరుపుకుంటున్నారు. ఈ సందర్భంగా యోగ గురువు శ్రీ శ్రీ ఆర్ఆర్ ప్రసాద్ ఒక ప్రత్యేక కార్యక్రమంలో పాల్గొని యోగ శాస్త్ర ప్రాముఖ్యతను వివరించారు.

యోగ అనే పదం సంస్కృతంలో 'యుజ్' అనే ధాతువు నుండి వచ్చిందని, దీని అర్థం కలయక అని ఆయన తెలిపారు. మనసు, శరీరం, ఆత్మ, భక్తి వంటి వాటి మధ్య కలయకే యోగం. ఈ శాస్త్రం శివ పురాణం, అగ్ని పురాణం, భగవద్గీత, పతంజలి యోగసూత్రాలు వంటి ప్రాచీన గ్రంథాల్లో విస్తృతంగా ప్రస్తావించబడిందని పేర్కొన్నారు.

ఆధునిక జీవనశైలిలో అత్యధిక ఒత్తిడి, పని ఒత్తిడి కారణంగా ప్రజలు తమ శరీరాన్ని, ఆరోగ్యాన్ని నిర్లక్ష్యం చేస్తున్నారని శ్రీ శ్రీ ఆర్ఆర్ ప్రసాద్ వివరించారు. తమకు తాము దూరమైపోతున్నామని గుర్తించలేకపోతున్నారు. ఫలితంగా రోగనిరోధక శక్తి తగ్గి, ఆయుర్దాయం తగ్గుతోందని అన్నారు.

వృద్ధాప్యంలో స్వతంత్రంగా, ఆరోగ్యంగా ఉండటమే నిజమైన విజయమని ఆయన అభిప్రాయపడ్డారు. యోగ సాధన ద్వారా తనను తాను తిరిగి కలుసుకుని, మానసిక ప్రశాంతత పొందడమే కాకుండా, శారీరక ఆరోగ్యం మెరుగుపరుచుకోవచ్చని సూచించారు.