హైదరాబాద్లో లక్ష కుటుంబాలకు ఉచితంగా 5 మొక్కలు పంపిణీ: హెచ్ఎండిఏ

హెచ్ఎండిఏ (హైదరాబాద్ మెట్రోపాలిటన్ డెవలప్‌మెంట్ అథారిటీ) అధికారులు ఒక ముఖ్యమైన ఉచిత మొక్కల పంపిణీ కార్యక్రమాన్ని ప్రకటించారు. వనమహోత్సవం సందర్భంగా హైదరాబాద్ నగరంలో ప్రతి కుటుంబానికి ఐదు మొక్కలను ఉచితంగా ఇవ్వనున్నట్లు తెలిపారు.

పండ్లు, కూరగాయల రకాల మొక్కలను ప్రజలకు అందిస్తే పోషకాహారం లభిస్తుందని అధికారులు పేర్కొన్నారు. హెచ్ఎండిఏ అర్బన్ ఫారెస్ట్ విభాగం పరిధిలోని 44 నర్సరీల ద్వారా ఈ మొక్కలను పంపిణీ చేస్తామన్నారు.

సంవత్సరానికి లక్ష కుటుంబాలకు ఈ ఉచిత మొక్కలు అందించాలన్నది లక్ష్యంగా చెప్పారు. పచ్చని హైదరాబాద్ నిర్మాణంలో ప్రజలు భాగస్వామ్యం కావాలని హెచ్ఎండిఏ అధికారులు విజ్ఞప్తి చేశారు.