హృతిక్ రోషన్ 'ఛావా' దర్శకుడు లక్ష్మణ్ ఉటేకర్‌తో కొత్త సినిమా?

నటుడు హృతిక్ రోషన్ ఇటీవల ఆలియా భట్ చిత్రం 'ఆల్ఫా'లో అతిథి పాత్రలో కనిపించారు. అక్టోబర్ 15న విడుదల కానున్న 'జైలర్ 2'లో కూడా ఆయన కీలక అతిథి పాత్ర పోషిస్తున్నారు.

'వార్ 2' అంచనాలను అందుకోలేకపోవడం, 'క్రిష్ 4' బడ్జెట్ సమస్యలతో ఆలస్యం కావడంతో హృతిక్ కొత్త ప్రాజెక్ట్లపై దృష్టి పెట్టారు. ఈ నేపథ్యంలో 'ఛావా' దర్శకుడు లక్ష్మణ్ ఉటేకర్‌తో సినిమా చేయడానికి ఆయన ఆసక్తి చూపిస్తున్నట్లు బాలీవుడ్ వర్గాలు తెలిపాయి.

ప్రస్తుతం లక్ష్మణ్ ఉటేకర్ శ్రద్ధా కపూర్ ప్రధాన పాత్రలో 'ఈథ' చిత్రాన్ని తెరకెక్కిస్తున్నారు. ఈ సినిమా పూర్తయిన తర్వాత హృతిక్‌తో కొత్త చిత్రంపై చర్చలు మొదలుపెట్టే అవకాశం ఉంది.

'జైలర్ 2'లో హృతిక్ పాత్ర కేవలం అతిథి పాత్ర మాత్రమే కాక రజినీకాంత్ పాత్రకు అండగా నిలిచేలా, దర్శకుడు నెల్సన్ హై యాక్షన్ సీక్వెన్స్‌గా రూపొందించినట్లు సమాచారం.