హైదరాబాద్‌లో పిచ్చుకల సంఖ్య 20,000కు చేరింది: స్వచ్ఛంద సంస్థ

హైదరాబాద్ నగరంలో పిచ్చుకల సంఖ్య 20,000 నుంచి 25,000 మధ్య ఉన్నట్టు ‘Bring Back Sparrow’ అనే స్వచ్ఛంద సంస్థ వెల్లడించింది.

సంస్థ నిర్వాహకుడు ప్రదీప్ తెలిపిన వివరాల ప్రకారం, నగరంలో ఏర్పాటు చేసిన 7,000 చెక్క గూళ్ల ద్వారా ఈ పెరుగుదల సాధ్యమైంది. సిటిజన్ సైన్స్ విధానంలో డేటా సేకరించి ఈ లెక్క తేల్చినట్టు చెప్పారు.

ఇళ్ల పైన, బాల్కనీల్లో గార్డెన్స్ లో ఈ చెక్క బాక్సులను ఉంచడంతో పిచ్చుకలు తిరిగి వచ్చాయని వివరించారు. ఈ ప్రయత్నం ద్వారా పిచ్చుకలకు ఆవాసం, ఆహారం లభించడంతోపాటు పర్యావరణానికి మేలు జరిగిందన్నారు.

గతంలో పట్టణ అభివృద్ధి కారణంగా పిచ్చుకలు కనుమరుగవుతున్నాయని ఆందోళన వ్యక్తమైన నేపథ్యంలో ఈ పెరుగుదల శుభ పరిణామం.