జలమండలి GM అనంత లక్ష్మీ కుమార్‌కు 14 రోజుల రిమాండ్

హైదరాబాద్ జలమండలి ప్రాజెక్ట్ డివిజన్ GM అనంత లక్ష్మీ కుమార్‌ను ఆదాయానికి మించిన ఆస్తుల కేసులో ACB అధికారులు అరెస్టు చేశారు. కోర్టు 14 రోజుల రిమాండ్ విధించింది. ఆయనను చంచల్‌గూడ జైలుకు తరలించారు.

ACB హైదరాబాద్ CIU విభాగం DSP మాజిద్ ఖాన్ నేతృత్వంలో బృందం నిన్న తెల్లవారు జామున 6 గంటలకు మల్లాపూర్ వెంకటరమణ కాలనీలోని కుమార్ నివాసానికి చేరుకుంది. హైదరాబాద్, సికింద్రాబాద్, నిజామాబాద్, సంగారెడ్డి జిల్లాలలో బంధువులు మరియు స్నేహితులకు చెందిన ఎనిమిది ప్రాంతాల్లో ఏకకాలంలో తనిఖీలు నిర్వహించారు.

తనిఖీలలో నగదు, బంగారం, వెండి ఆభరణాలు, స్థలాల పత్రాలు స్వాధీనమయ్యాయి. స్వాధీనమైన ఆస్తుల మార్కెట్ విలువ ₹100 కోట్లకు పైగా ఉంటుందని ACB అంచనా వేస్తోంది.