గచ్చిబౌలి అంజయ్య నగర్‌లో 8 ప్రమాదకర భవనాల గుర్తింపు

హైదరాబాద్ గచ్చిబౌలి అంజయ్య నగర్‌లో భవనం కూలిన ఘటన తర్వాత హైడ్రా అధికారులు మరో 8 ప్రమాదకర భవనాలను గుర్తించారు. హైడ్రా కమిషనర్ రంగనాథ్ ఘటనా స్థలాన్ని సందర్శించి పరిస్థితిని పరిశీలించారు.

కూలిన భవనం పక్కనే మరో భవనం ప్రమాదకరంగా మారినట్టు ఆయన గుర్తించారు. అనుమతులు లేకుండా నాలా పరిసరాల్లో ఎత్తైన భవనాలు, హాస్టళ్లు నిర్మించినట్టు హైడ్రా అధికారులు తెలిపారు. కొన్ని భవనాలు 7 అంతస్తుల వరకు ఉండి 21 నుంచి 25 మీటర్లకు పైగా ఎత్తులో ఉన్నాయని గుర్తించారు.

ఈ అక్రమ నిర్మాణాలను త్వరలోనే కూల్చివేస్తామని హైడ్రా కమిషనర్ స్పష్టం చేశారు. నిబంధనలకు విరుద్ధంగా ఉన్న పక్క భవనాలను కూడా తొలగించే అవకాశం ఉందని హైడ్రా అధికారులు చెప్పారు. స్థానికులు కూడా ఈ ప్రాంతంలో భవనాలు పక్కపక్కనే ఉండటం ప్రమాదంగా మారిందని తెలిపారు.