తెలంగాణలో 2 రోజుల పాటు వర్షాలు: 9 జిల్లాలకు ఎల్లో అలర్ట్

తెలంగాణలో రాబోయే రెండు రోజుల పాటు వర్షాలు కొనసాగే అవకాశం ఉందని వాతావరణ శాఖ (IMD) హెచ్చరించింది. రాష్ట్రంలోని 9 జిల్లాలకు ఎల్లో అలర్ట్ జారీ చేసింది.

బంగాళాఖాతంలో ఏర్పడిన అల్పపీడనం ప్రభావంతో ఈ వర్షాలు కురుస్తున్నాయి. ఆదిలాబాద్, కొమరంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సంగారెడ్డి, మెదక్, కామారెడ్డి జిల్లాల్లో భారీ వర్షం పడే అవకాశం ఉందని IMD తెలిపింది.

ఈ జిల్లాల్లో గంటకు 40 నుంచి 50 కిలోమీటర్ల వేగంతో ఈదురుగాలులు వీచుతాయని అధికారులు చెప్పారు. మిగిలిన జిల్లాల్లో ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురుస్తాయి.

IMD గతంలో అతి భారీ వర్షాల అంచనా వేసినా, ప్రస్తుతం రాష్ట్రంలో మోస్తరు వర్షమే కురుస్తోంది. ప్రజలు అప్రమత్తంగా ఉండాలని అధికారులు సూచిస్తున్నారు.