నేడు విశాఖలో ఐఎన్ఎస్ మహేంద్రగిరి స్టెల్త్ యుద్ధ నౌక నౌకాదలంలో చేరిక

రక్షణ మంత్రి రాజనాథ్ సింగ్ నేడు విశాఖలో ఐఎన్ఎస్ మహేంద్రగిరి అనే అత్యాధునిక స్టెల్త్ యుద్ధ నౌకను భారత నౌకాదలానికి అంకితం చేశారు. తూర్పు కనుమల్లోని మహేంద్రగిరి పర్వత శ్రేణి పేరు మీదుగా ఈ నౌకకు నామకరణం చేశారు.

ఇది ఇండియన్ నావీకి చెందిన వార్షిప్ డిజైన్ బ్యూరో రూపకల్పన చేసిన ఆరో స్టెల్త్ ఫ్రిగేట్. మజ్గాన్ డాక్ బిల్డర్స్ లిమిటెడ్ దీనిని నిర్మించింది. నౌకలో 75 శాతానికి పైగా స్వదేశీ పరికరాలు ఉపయోగించారు.

ఈ నౌకకు శత్రు రాడార్లను తప్పించుకునే స్టెల్త్ సామర్థ్యం ఉంది. అధిక స్థాయి ఆటోమేషన్, గాలి, ఉపరితలం, నీటి అడుగున దాడులు చేయగల స్వదేశీ ఆయుధాలు, సెన్సార్లు, ఎలక్ట్రానిక్ వార్ఫేర్ వ్యవస్థలు ఇందులో ఉన్నాయి.

ఈ సందర్భంగా రాజనాథ్ సింగ్ నౌకాదల సిబ్బందిని ఉద్దేశించి మాట్లాడారు. దేశంలోని 90 శాతానికి పైగా వాణిజ్యం సముద్రం ద్వారానే జరుగుతుందని, అందువల్ల సముద్ర రక్షణ ఆర్థిక వృద్ధికి, ఇంధన భద్రతకు కీలకమని చెప్పారు. యుద్ధ నైపుణ్యాలను పెంచుకోవాలని సూచించారు.