iQOO Z11 Lite 5G భారత్లో లాంచ్; ధర, స్పెసిఫికేషన్లు, ఫీచర్లు

iQOO Z11 Lite 5G ఈరోజు భారత మార్కెట్లో అడుగుపెట్టింది. జెన్ జీ, కాలేజీ విద్యార్థులను టార్గెట్ చేసిన ఈ బడ్జెట్ 5G స్మార్ట్ఫోన్ రూ.20,000 లోపు ధరలో రానుంది.

ఫోన్లో 6.74-అంగుళాల LCD డిస్ప్లే, 120Hz రిఫ్రెష్ రేట్, 800 నిట్స్ బ్రైట్నెస్ (1200 నిట్స్ పీక్) ఉన్నాయి. పాలీకార్బొనేట్ బాడీ, 8.4mm మందం, 209 గ్రాముల బరువు, IP65 రేటింగ్తో డిజైన్ చేశారు. సోలార్ ఫ్లేమ్, మిడ్నైట్ బ్లూ రంగుల్లో లభ్యం.

MediaTek Dimensity 6300 ప్రాసెసర్, LPDDR4x RAM, UFS 2.2 స్టోరేజీతో వస్తుంది. 4GB+128GB, 6GB+128GB, 6GB+256GB వేరియంట్లు ఉన్నాయి. హైబ్రిడ్ సిమ్ స్లాట్ ద్వారా 2TB వరకు మైక్రో SD కార్డ్ ఎక్స్పాన్షన్ చేసుకోవచ్చు.

కెమెరా విభాగంలో వెనుక 50MP (సోనీ సెన్సర్), ముందు 5MP కెమెరా ఇచ్చారు. వీడియో 1080p వరకు రికార్డ్ చేయొచ్చు, 4K సపోర్ట్ లేదు. 6500mAh బ్యాటరీ ప్యాక్ చేసి, బాక్స్లో 44W ఫాస్ట్ ఛార్జర్ ప్రొవైడ్ చేశారు. 50% ఛార్జింగ్ అరగంటలో పూర్తవుతుందని కంపెనీ తెలిపింది.

ఆండ్రాయిడ్ 15 (OriginOS 6)తో రానున్న ఈ ఫోన్‌కు ఆండ్రాయిడ్ 18 వరకు OS అప్డేట్, 4 ఏళ్ల సెక్యూరిటీ ప్యాచ్‌లు లభిస్తాయి. AI సమ్మరీ, AI క్యాప్షన్, ట్రాన్స్క్రిప్ట్ వంటి AI ఫీచర్లు జోడించారు. బ్లూటూత్ 5.4, వైఫై 5, 3.5mm ఆడియో జాక్, సైడ్ మౌంటెడ్ ఫింగర్ప్రింట్ సెన్సార్, టాప్-ఫైరింగ్ స్పీకర్ ఉన్నాయి. NFC, IR బ్లాస్టర్ లేవు.