జగిత్యాల జిల్లా పోలీస్ శాఖ మహిళా పోలీసులకు సర్వైకల్ క్యాన్సర్ వ్యాక్సినేషన్

జగిత్యాల జిల్లా పోలీస్ శాఖ మహిళా పోలీస్ సిబ్బందికి ఉచితంగా సర్వైకల్ క్యాన్సర్ వ్యాక్సినేషన్ నిర్వహించింది. ఎస్పీ అశోక్ కుమార్ ఈ కార్యక్రమాన్ని ప్రారంభించారు.

సుమారు 50 మంది మహిళా పోలీసులకు ఇండియన్ మెడికల్ సహకారంతో హెచ్పివి వ్యాక్సిన్ ఇచ్చారు.

ఎస్పీ మాట్లాడుతూ, విధి నిర్వహణలో పోలీసులు అధిక ఒత్తిడికి గురవుతారని, అందుకే వారి ఆరోగ్య పరిరక్షణ కోసం ఈ వ్యాక్సినేషన్ నిర్వహించామన్నారు. క్యాన్సర్ మొదటి దశలోనే గుర్తిస్తే నివారించవచ్చునని వివరించారు.

కేంద్ర ప్రభుత్వం 14 ఏళ్ల వయసు వారికి హెచ్పివి వ్యాక్సిన్ అందిస్తోందని, అందరూ అవగాహనతో వ్యాక్సిన్ వేసుకోవాలని సూచించారు.

ఈ సందర్భంగా వైద్యులు డాక్టర్ మంగ, డాక్టర్ జయంతి తదితరులు పాల్గొన్నారు.