ఏప్రిల్ 23న 8000 థియేటర్లలో విజయ్ 'జన నాయగన్' విడుదల

నటుడు విజయ్ నటించే చివరి చిత్రం 'జన నాయగన్' ఏప్రిల్ 23న ప్రపంచవ్యాప్తంగా గ్రాండ్ రిలీజ్ కాబోతోంది. సెన్సార్ సర్టిఫికెట్ రావడంతో మేకర్స్ రిలీజ్ ఏర్పాట్లు వేగవంతం చేశారు.

తొలి రోజు అన్ని భాషల్లో కలిపి 8,000 థియేటర్లలో ఈ సినిమాను ప్రదర్శించనున్నారు. తమిళంతో పాటు తెలుగు, హిందీ భాషల్లో భారీగా స్క్రీన్లు కేటాయించారు. సుమారు 30 దేశాల్లో సినిమా ప్రేక్షకుల ముందుకు రానుంది.

ఇటీవలి భారీ చిత్రాలతో పోలిస్తే, పుష్ప 2 తొలి రోజు 12,000 స్క్రీన్లలో విడుదలైన రికార్డు ఇప్పటికీ టాప్‌లో ఉంది. జవాన్, కేజీఎఫ్ 2, కల్కి వంటి సినిమాలు 9,000 థియేటర్లలో విడుదలయ్యాయి. అయితే, 'జన నాయగన్' విషయంలో ప్రత్యేక పరిస్థితుల కారణంగా ఈ సినిమా ఆల్‌టైమ్ హయ్యెస్ట్ ఓపెనింగ్ కలెక్షన్స్ సాధించడం కష్టమని విజయ్ అభిమానులు అంచనా వేస్తున్నారు.