జనసేనలో చేరిన డాక్టర్ గడాల శ్రీనివాసరావు: కొత్తగూడం నుంచి ఎమ్మెల్యేగా పోటీ ప్రకటన

మాజీ ప్రభుత్వ వైద్యాధికారి డాక్టర్ గడాల శ్రీనివాసరావు జనసేన పార్టీలో చేరారు. కొత్తగూడంలో పార్టీ కార్యాలయాన్ని ప్రారంభించిన ఆయన, ఆ నియోజకవర్గం నుంచి ఎమ్మెల్యేగా పోటీ చేస్తానని ప్రకటించారు.

ఈ సందర్భంగా మాట్లాడిన డాక్టర్ గడాల, జనసేన తెలంగాణ ఉద్యమ భావజాలంతో పుట్టిన పార్టీ అని అన్నారు. పవన్ కల్యాణ్ ఇటీవల వరంగల్‌లో పర్యటించారని, తెలంగాణలో పార్టీ విస్తరణకు ప్రణాళిక సిద్ధం చేశారని తెలిపారు.

25 ఏళ్ల ప్రభుత్వ ఉద్యోగం నుంచి స్వచ్ఛంద పదవీ విరమణ తీసుకుని రాజకీయాల్లోకి అడుగుపెట్టానని చెప్పారు. ఉమ్మడి ఖమ్మం జిల్లా పరిధిలోని పది అసెంబ్లీ నియోజకవర్గాల్లో పార్టీని బలోపేతం చేస్తామని, వచ్చే ఎంపీటీసీ, జెడ్పీటీసీ ఎన్నికల్లో పోటీ చేస్తామని తెలిపారు.

రాజకీయాల్లో వ్యక్తిగత దూషణ సరైన పద్ధతి కాదని అభిప్రాయపడ్డారు. తమ పార్టీ అధినేత పవన్‌కల్యాణ్‌ను కూడా ఇలాంటి విమర్శలు ఎదుర్కొన్నారని గుర్తు చేశారు.