జానీ మాస్టర్ vs శేఖర్ మాస్టర్: అసోసియేషన్ సమావేశంలో ఘర్షణ, పోలీసుల జోక్యం

తెలుగు ఫిల్మ డాన్సర్స్ అసోసియేషన్ సమావేశంలో జానీ మాస్టర్, శేఖర్ మాస్టర్ వర్గాల మధ్య తీవ్ర వాగ్వాదం చోటు చేసుకుంది. పరిస్థితి ఉద్రిక్తంగా మారడంతో పోలీసులు జోక్యం చేసుకోవాల్సి వచ్చింది.

అసోసియేషన్ అధ్యక్షురాలు, జానీ మాస్టర్ భార్య సుమలత తీరుపై కొందరు సభ్యులు ఆగ్రహం వ్యక్తం చేశారు. ఆమె ఏకపక్ష నిర్ణయాలు తీసుకుంటున్నారని, ఫెడరేషన్ అనుమతి లేకుండా బై ఎలక్షన్ నిర్వహించేందుకు సిద్ధమవడంతో వివాదం మొదలైందని తెలుస్తోంది.

సుమలత తీరుపై అసంతృప్తితో 10 మంది డాన్సర్లు అసోసియేషన్ నుంచి రాజీనామా చేశారు. ఇరు వర్గాలు ఒకరిపై ఒకరు పోలీసులకు కంప్లైంట్లు చేసుకున్నాయి. యూనియన్ పెద్దలు జోక్యం చేసుకుని సమస్యను సామరస్యంగా పరిష్కరించాలని సభ్యులు విజ్ఞప్తి చేశారు.

ఈ వాగ్వాదం సంబంధించిన వీడియో సోషల్ మీడియాలో చక్కర్లు కొడుతోంది. అయితే ఇప్పటివరకు అసోసియేషన్, జానీ మాస్టర్ లేదా శేఖర్ మాస్టర్ నుంచి అధికారిక ప్రకటన రాలేదు. జానీ మాస్టర్, శేఖర్ మాస్టర్ లు టాలీవుడ్‌లో చిరంజీవి, పవన్ కళ్యాణ్, మహేష్ బాబు, అల్లు అర్జున్, ఎన్టీఆర్, రామ్ చరణ్, ప్రభాస్ తదితర స్టార్ నటుల సినిమాలకు కొరియోగ్రఫీ చేస్తున్న టాప్ డాన్స్ మాస్టర్లు.