డాన్స్ మాస్టర్స్ అసోసియేషన్ వివాదం పరిష్కరించబడింది: జానీ మాస్టర్

డాన్స్ మాస్టర్స్ అసోసియేషన్లో నెలకొన్న వివాదం పరిష్కారమైంది. ఫిలిం ఫెడరేషన్ అత్యవసర సమావేశంలో ఇరు పక్షాలు సంతృప్తితో ఒప్పందం కుదిర్చాయి. జానీ మాస్టర్ ఈ విషయాన్ని ధృవీకరించారు.

ఫిలిం ఫెడరేషన్ అధ్యక్షుడు అనిల్ వల్లభనేని, నిర్మాతలు చదలవాడ శ్రీనివాసరావు, ప్రసన్న కుమార్ సమక్షంలో ఈ సమావేశం జరిగింది. డాన్స్ మాస్టర్స్ అసోసియేషన్ అధ్యక్షురాలు సుమలత, జానీ మాస్టర్ హాజరయ్యారు. సంఘంలోని అంతర్గత విభేదాలు, భవిష్యత్ కార్యాచరణ, పరిశ్రమపై పడుతున్న ప్రభావంపై చర్చించారు.

వివాద కారణాలపై జానీ మాస్టర్ వివరణ ఇచ్చారు. ఆ వివరణతో అన్ని వర్గాలు సంతృప్తి చెందాయని ఆయన చెప్పారు. 'సమస్య ఇక్కడితో ముగిసింది, అందరూ కలిసి ముందుకెళ్తాం' అని ఆయన ప్రకటించారు. చిరంజీవి, బాలకృష్ణ, ఇతర సినీ పెద్దలు వివాదం తీవ్రత తగ్గించడంలో సహకరించారని జానీ మాస్టర్ తెలిపారు. ఫెడరేషన్ నిర్మాతలకు ఆయన కృతజ్ఞతలు చెప్పారు.