జూనియర్ ఎన్టీఆర్ కొత్త లుక్ ఫోటో వైరల్; టీజర్ లో నిరాశ తర్వాత అభిమానులు హ్యాపీ

నటుడు జూనియర్ ఎన్టీఆర్ ఇటీవల అఖిల్ లెనిన్ సినిమాకు వాయిస్ ఓవర్ ఇచ్చారు. ఈ సందర్భంగా దర్శకుడు అఖిల్ లెనిన్‌తో దిగిన ఫోటో సోషల్ మీడియాలో వెలుగులోకి వచ్చింది. ఫోటోలో ఎన్టీఆర్ చాలా సన్నగా కనిపించడమే కాకుండా, ఆయన ముఖంలో మునుపటి గ్లో తిరిగి వచ్చినట్లు కనిపిస్తోంది.

ఈ కొత్త లుక్‌తో ఎన్టీఆర్ అభిమానుల్లో ఆసక్తి పెరిగింది. గతంలో ప్రశాంత్ నీల్ దర్శకత్వంలో రూపొందుతున్న చిత్రం టీజర్ లో ఆయన లుక్ చూసి కొంతమంది అభిమానులు నిరాశ చెందారు. సిక్స్ ప్యాక్ వల్ల ముఖంలో గ్లో పోయిందన్న కామెంట్లు వినిపించాయి.

అయితే ఎన్టీఆర్ ప్రస్తుతం ప్రశాంత్ నీల్ సినిమా కోసం కఠినమైన వర్కవుట్స్ చేస్తున్నారు. ఈ సినిమాలో ఆయన మాఫియా డాన్ పాత్రలో కనిపించనున్నారు. గతంలో ‘బాద్షా’ సినిమాలో డాన్‌గా నటించిన ఎన్టీఆర్, చాలా ఏళ్ళ తర్వాత మళ్ళీ ఇలాంటి పాత్ర చేస్తుండటం విశేషం.

తాజా ఫోటోలో ఎన్టీఆర్ బరువు తగ్గడంతో పాటు స్టైలిష్ గా కనిపించడంతో అభిమానులు సంతోషం వ్యక్తం చేస్తున్నారు. టీజర్ సమయంలో వచ్చిన కామెంట్లను ఆయన సీరియస్‌గా తీసుకున్నారని అభిమానులు భావిస్తున్నారు.