జూరాల ప్రాజెక్టు ఎడమ కాలువ గేట్లు ఎత్తిన 14 మంది రైతులపై నాన్ బెయిలబుల్ కేసులు

తెలంగాణలోని జూరాల ప్రాజెక్టు ఎడమ కాలువ గేట్లు ఎత్తి నీటిని విడుదల చేసిన 14 మంది రైతులపై పోలీసులు నాన్ బెయిలబుల్ కేసులు నమోదు చేశారు.

సాగునీరు విడుదల కాకపోవడంతో పంటలు ఎండిపోయే పరిస్థితి వచ్చిందని రైతులు చెప్పారు. సెప్టెంబర్ 19న నీటి విడుదల కోసం రైతులు ఆందోళన చేపట్టారు.

అధికారులు స్పందించలేదని రైతులు తెలిపారు. అదే రోజు సాయంత్రం రైతులు ఎడమ కాలువ గేట్లు ఎత్తి స్వయంగా నీటిని విడుదల చేసుకున్నారు.

ప్రాజెక్టు ఇరిగేషన్ డీఈ ఫిర్యాదు మేరకు అమరచింత పోలీస్ స్టేషన్లో కేసులు నమోదయ్యాయి. రైతులతో పాటు మరికొందరు నాయకులపై కూడా కేసులు నమోదయ్యాయి.