కాటేదాన్ అయ్యప్ప ఆలయంలో జులై 13న మహా మాస శివరాత్రి ప్రత్యేక పూజలు

హైదరాబాద్‌లోని కాటేదాన్ అయ్యప్ప స్వామి దేవాలయంలో జులై 13న అర్ధాహోరాత్ర మహా మాస శివరాత్రి సందర్భంగా ప్రత్యేక శివాభిషేకం నిర్వహించనున్నారు.

ఈ రోజున ఉదయం నుంచి రాత్రి వరకు 12 గంటల పాటు 1111 శివలింగాలతో కైలాస యంత్ర ప్రతిష్ఠ చేసి అభిషేకం చేస్తారు. సంధ్యా సమయంలో లక్ష వత్తులతో స్వామివారికి లక్ష దీపార్చన, అగ్నిహోత్రం కూడా నిర్వహిస్తారు.

ఈ మహా పర్వదినం రోజు అమావాస్య, ప్రదోష కాలం, ఆరుద్రా నక్షత్రం, సోమవారం కలిసి రావడంతో విశేష యోగం ఏర్పడుతుందని ఆలయ పూజారులు తెలిపారు.

భక్తులు తమ గోత్ర నామాలతో ప్రత్యక్షంగా లేదా పరోక్షంగా ఈ కార్యక్రమంలో పాల్గొని స్వామి అనుగ్రహం పొందవచ్చని ఆలయ నిర్వాహకులు తెలియజేశారు.