జులై 13న కాటేదాన్ అయ్యప్పస్వామి దేవాలయంలో 1111 శివలింగ అభిషేకం

జులై 13న అర్ధాహోరాత్ర మహా మాస శివరాత్రి పర్వదినం సందర్భంగా హైదరాబాద్‌ సమీపంలోని కాటేదాన్‌ గ్రామంలోని అయ్యప్ప స్వామి దేవాలయంలో విశేష పూజా కార్యక్రమాలు నిర్వహించనున్నారు.

దేవాలయం ప్రతినిధులు తెలిపిన వివరాల ప్రకారం, ఈ రోజున ఆరుద్రా నక్షత్రం, సోమవారం కలయికతో అద్వితీయ యోగం ఏర్పడుతోంది. ఈ సందర్భంగా 1111 శివలింగాలతో కైలాస యంత్రాన్ని స్థాపించి ఉదయం నుంచి రాత్రి వరకు 12 గంటలపాటు ప్రత్యేక అభిషేకం నిర్వహిస్తారు. సంధ్యా సమయంలో లక్ష వత్తులతో లక్ష దీపార్చన, అగ్నిహోత్రం నిర్వహిస్తారు.

భక్తులు తమ గోత్ర నామాలతో ప్రత్యక్షంగా లేదా పరోక్షంగా ఈ క్రతువులో పాల్గొని స్వామివారి అనుగ్రహం పొందవచ్చని దేవాలయం తెలిపింది.