కావేరి యూనివర్సిటీలో స్మార్ట్ క్లాస్‌రూమ్‌లు – రికార్డింగ్ సౌకర్యం

కావేరి యూనివర్సిటీలోని స్కూల్ ఆఫ్ ఇంజనీరింగ్ అండ్ టెక్నాలజీలో విద్యార్థులకు స్మార్ట్ క్లాస్‌రూమ్‌లు అందుబాటులో ఉన్నాయి. ఇక్కడ రెండు రకాల స్మార్ట్ క్లాస్‌రూమ్‌లు ఉన్నాయి. ఒకటి టీవీతో, మరొకటి వైట్‌బోర్డ్‌తో పాటు స్మార్ట్ ప్రొజెక్టర్ కలిగి ఉంటాయి.

ప్రతి క్లాస్‌రూమ్ మూలల్లో స్పీకర్లు ఏర్పాటు చేశారు. దీంతో చివరి బెంచీలో కూర్చున్న విద్యార్థి కూడా స్పష్టంగా వినవచ్చు. అధ్యాపకులు బోధించే పాఠాలు రికార్డ్ అవుతాయి. గైర్హాజరైన విద్యార్థులు తర్వాత చూసుకోవచ్చు. పరీక్షల సమయంలో రివిజన్‌కు ఈ రికార్డింగ్‌లు ఉపయోగపడతాయి.

ప్రొఫెసర్ డా. కవితా రాణి (సీఎస్సీ విభాగం, ఐక్యూఏసి ఇన్చార్జ్) ఈ వివరాలు వెల్లడించారు. గతంలో చాక్‌-బోర్డు పద్ధతి స్థానంలో టెక్నాలజీ వాడకం వల్ల బోధన సులభతరమైందని తెలిపారు. ‘హలో వరల్డ్’ వంటి చిన్న ప్రోగ్రామును స్మార్ట్ బోర్డు మీద ఎగ్జిక్యూట్ చేసి విద్యార్థులకు చూపించారు.