KBR Park వన్ వే విధానంపై వాహనదారుల నుంచి సానుకూల స్పందన

హైదరాబాద్‌లోని KBR Park చుట్టూ ట్రాఫిక్ పోలీసులు వన్ వే విధానాన్ని అమలు చేశారు. ఈ నెల 18వ తేదీ నుంచి ఈ విధానం అమల్లోకి వచ్చింది.

H-City ప్రాజెక్టులో భాగంగా KBR Park చుట్టూ 7 ఫ్లై ఓవర్లు, 7 అండర్ పాస్‌లు నిర్మిస్తున్నారు. ఈ పనులు రెండేళ్లలో పూర్తి చేయాలనే లక్ష్యంతో అధికారులు వన్ వే విధానం తీసుకువచ్చారు. మొత్తం 110 పిల్లర్లలో ఇప్పటివరకు 15 పిల్లర్ల పనులు పూర్తయ్యాయి.

తొలి రోజు సైన్ బోర్డులు, దిశల సూచికలు సరిగా లేక వాహనదారులు గందరగోళానికి గురయ్యారు. అనంతరం ట్రాఫిక్ పోలీసులు సూచనలను సరిచేసి మార్పులు చేశారు.

హైదరాబాద్ ట్రాఫిక్ Joint CP Joel Davis మాట్లాడుతూ, మొదటి రోజు కొంత గందరగోళం ఉన్నా తర్వాత వాహనదారుల నుంచి సానుకూల స్పందన వస్తోందని తెలిపారు. వన్ వే వల్ల ప్రయాణ సమయం తగ్గిందని చాలా మంది చెప్పారు.

వాహనదారులు కూడా మొదట ఇబ్బంది ఉన్నా ఇప్పుడు ట్రాఫిక్ వేగంగా సాగుతోందని అభిప్రాయపడ్డారు. ఫ్లై ఓవర్లు, అండర్ పాస్‌లు పూర్తయితే ట్రాఫిక్ మరింత సులభంగా సాగుతుందని అన్నారు.