వీధి కుక్కలను తరిమే స్మార్ట్వాచ్‌ను తయారు చేసిన కేరళ విద్యార్థులు

కేరళలోని చెంగన్నూరులోని సెయింట్ థామస్ ఇంజనీరింగ్ కళాశాల విద్యార్థులు వీధి కుక్కలను తరిమే ఓ స్మార్ట్వాచ్ ప్రోటోటైప్ తయారు చేశారు. ఐదుగురు విద్యార్థులు 'సెన్స్కే' పేరుతో ఈ స్మార్ట్వాచ్‌ను రూపొందించారు.

ఈ వాచ్‌లో ఒక బటన్ ఉంటుంది. కుక్కలు దాడి చేసినప్పుడు ఆ బటన్ నొక్కితే, వాచ్ నుంచి సైరన్ లాంటి శబ్దం వస్తుంది. ఆ శబ్దానికి కుక్కలు భయపడి పారిపోతాయి.

ఇటీవల ఓ వృద్ధురాలిపై వీధి కుక్కలు దాడి చేసిన ఘటన చూసి విద్యార్థులు చలించిపోయారు. దీంతో వీధి కుక్కల సమస్యకు పరిష్కారంగా ఈ స్మార్ట్వాచ్ తయారు చేయాలని నిర్ణయించారు. కళాశాల సిబ్బంది సహాయంతో ప్రాజెక్ట్ పూర్తి చేశారు.

మార్కెట్లో వీధి కుక్కలను తరిమే పలు పరికరాలు ఉన్నప్పటికీ, స్మార్ట్వాచ్ రూపంలో ఈ సాంకేతికతను తీసుకురావటం ఇదే తొలిసారి. ప్రస్తుతం ఈ ప్రాజెక్ట్ చివరి దశలో ఉంది.