బస్టాండ్లో బఠానీలు అమ్ముకుంటావని లెక్చరర్లు అన్నారు: కిరణ్ అబ్బవరం
నటుడు కిరణ్ అబ్బవరం తన కాలేజీ రోజుల గురించి ఓ ఆసక్తికర విషయం పంచుకున్నారు. క్లాస్కు వెళ్లిన ప్రతిసారీ లెక్చరర్లు తనను 'నువ్వు ఎక్కడో బస్టాండ్లో బఠానీలు అమ్ముకుంటావు' అని అనేవారని తెలిపారు.
కానీ కాలేజీలో మొదటి జాబ్ తనకే వచ్చిందని, అప్పుడు తనే కాదు తన కుటుంబం కూడా నమ్మలేదన్నారు. నెలకు రూ.70 వేలు జీతం వచ్చే ఉద్యోగం లభించింది. అయినా ఆ ఉద్యోగం వదిలి సినిమాల్లోకి రావాలని నిర్ణయించుకున్నారు.
"చిన్నప్పటి నుంచి సినిమాలంటే పిచ్చి. 20 నుంచి 30 ఏళ్ల మధ్య జీవితంలో ఎంత కష్టపడితే అంత ఫలితం ఉంటుందని బలంగా నమ్మాను. గిరీష్ అనే దర్శకుడితో షార్ట్ఫిల్మ్ చేసిన తర్వాత నాలో ధైర్యం వచ్చింది," అని కిరణ్ అబ్బవరం ఓ ఇంటర్వ్యూలో చెప్పారు.
ఇటీవల జూలై 15న ఆయన పుట్టినరోజు జరుపుకున్నారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
