తొలి సినిమా ఆఫర్‌ను మూడు రోజుల్లో వదిలేశా: కిరణ్ అబ్బవరం

నటుడు కిరణ్ అబ్బవరం తన మొదటి సినిమా అవకాశాన్ని కేవలం మూడు రోజుల షూటింగ్ తర్వాత వదిలి వచ్చేశానని వెల్లడించారు. ఒక ఇంటర్వ్యూలో ఈ విషయాన్ని పంచుకున్నారు.

2017లో ఆయనకు ఓ పెద్ద బడ్జెట్ సినిమాలో హీరోగా అవకాశం వచ్చింది. ఈ చిత్రంలో సాయికుమార్ ప్రధాన పాత్ర పోషించారు. అయితే, సెట్‌లో అనుభవం ఆశించినట్లు లేదని, డైరెక్టర్ తిట్టడంతో మనస్తాపం చెందానని కిరణ్ తెలిపారు. తనకు సరిపోలేదని గ్రహించి, మూడో రోజు అడ్వాన్స్ మొత్తం తిరిగి ఇచ్చేసి ప్రాజెక్టు నుంచి తప్పుకున్నానని చెప్పారు.

ఈ ఘటన తర్వాత, సొంతంగా సినిమా చేయాలని నిర్ణయించుకున్నానని ఆయన వివరించారు. ‘రాజా వారు రాణి గారు’ అనే చిత్రాన్ని దర్శకుడు రవికిరణ్ కోలతో కలిసి నిర్మించారు. మండపేట సమీపంలోని కపిలేశ్వరపురం గ్రామంలో 60 రోజులు షూటింగ్ జరిపామని, ఈ సినిమా రిలీజ్ ప్రక్రియ మొత్తం నేర్చుకున్నామని కిరణ్ తెలిపారు.