రాహుల్ 'స్మాష్ పాట్రియార్కీ' వ్యాఖ్యలపై రిజిజు విమర్శ: హిందూ సంస్కృతిపై దాడి అన్నారు

కేంద్ర మైనారిటీ వ్యవహారాల మంత్రి కిరణ్ రిజిజు, పూణేలో రాహుల్ గాంధీ చేసిన పితృస్వామ్య వ్యవస్థను బద్దలు కొట్టాలనే వ్యాఖ్యలపై విమర్శలు చేశారు. రాహుల్ గాంధీ వైఖరి హిందూ సంస్కృతిని మాత్రమే లక్ష్యంగా చేసుకుందని ఆయన ఆరోపించారు.

ఒక ఇంటర్వ్యూలో రిజిజు మాట్లాడుతూ, రాహుల్ గాంధీ పితృస్వామ్యంపై మాట్లాడుతూ మనుస్మృతి, హిందూ సంస్కృతి గురించే ప్రస్తావించారని, కానీ ముస్లిం మహిళలు, త్రిపుల్ తలాక్, బహుభార్యత్వం గురించి ఎందుకు మాట్లాడరని ప్రశ్నించారు. ఇది హిందూ సంస్కృతిని దెబ్బతీసే ప్రయత్నమని ఆయన అన్నారు.

మైనారిటీ వ్యవహారాల మంత్రిగా తాను చాలా మంది ముస్లిం మహిళలను కలిశానని, వారికి కూడా ప్రభుత్వ మద్దతు అవసరమని రిజిజు చెప్పారు. షా బానో కేసులో రాజీవ్ గాంధీ మత పెద్దల ఒత్తిడితో చట్టం మార్చారని ఆయన గుర్తు చేశారు. ఒక వర్గాన్ని మాత్రమే టార్గెట్ చేయకుండా అన్ని మతాల్లోని సమస్యలపై ఒకే విధమైన వైఖరి తీసుకోవాలని రిజిజు డిమాండ్ చేశారు.

అయితే, హిందూమతంలో చెడు ఆచారాలను ఎత్తి చూపడం తప్పు కాదని, సతీ, బాల్య వివాహాలు వంటి వాటిని నిషేధించామని ఆయన వివరించారు. ప్రభుత్వం మనుస్మృతిని కాకుండా రాజ్యాంగ స్ఫూర్తితోనే దేశాన్ని నడుపుతోందని స్పష్టం చేశారు. ఒక వ్యక్తి మనుస్మృతిని విశ్వసించడం, వ్యతిరేకించడం రెండూ ప్రజాస్వామ్య హక్కులేనని ఆయన అన్నారు.

RSS, మోదీపై వస్తున్న విమర్శలే వారిని బలోపేతం చేశాయని రిజిజు అభిప్రాయపడ్డారు. హిందూమతం ప్రపంచంలోనే అత్యంత స్వేచ్ఛాయుతమైన మతమని, అంబేద్కర్ అనుచరులు హిందూమతం నుంచి బౌద్ధంలోకి మారడాన్ని హిందూ సమాజం అడ్డుకోలేదని ఆయన పేర్కొన్నారు. మనుస్మృతిలోని పితృస్వామ్య అంశాలను వ్యతిరేకించే యువతులను anti-Hindu అని ముద్ర వేయడం సరికాదా అన్న ప్రశ్నకు, ఎవరినీ జైలుకు పంపలేదని రిజిజు సమాధానం ఇచ్చారు.